10 SENYALES NA PASAHERO KA TALAGA NG JEEP SA PINAS!

Ang jeep ang isa sa mga pambansang transportasyon sa Pilipinas. Ito ang nagbibigay sa atin ng mura at madaling paraan para makapunta sa lugar na ating paroroonan. Ngunit sa araw-araw na pagsakay natin sa jeep, may mga ilang pangyayari talaga na hindi natin maiiwasan na maaring nangyari, mangyayari o nakita na natin sa loob ng transportasyon na ito. Naranasan mo na ba ito para masabing ikaw ay isang tunay na  pasahero ng tinaguriang hari ng kalsada?

1. SI MANONG APAT!
Sabi nga nila, ang mga barker daw ay talaga namang maasahan ng mga driver. OO! Tama! Pihado ako naranasan mo na ang pagtawag ni MANONG APAT sa pasahero ng "Oh Apat pa! Apat pa! 2 sa kanan! 2 sa kaliwa!" Habang kayo na nasa loob ng jeep, nagtataka dahil hindi na nga kayo magkasya sa loob   eh narinig mo na apat papala ang kasya! Saan sila uupo? sa sahig? kakanlungin? Tapos pag sinita mo si driver sasabihin pa di pa puno at wala pang laman... teka kuya ano kami? SABAW?  haha!



2. PATAY MALISYANG  PASAHERO

Ang ganda ganda ng araw mo at masaya kang sumakay sa jeep. Kumuha ng barya sabay sabing..
"Ma Bayad Po".. teka wala nag aabot, isa pa... "Ma BAYAD KO PO Pakiabot nga miss" aba dumungaw bigla sa bintana.. "Makikisuyo nga po tay! Bayad ko  po" ay patay malisya si tatay. Aba manong anak ng tokwa CATCH! Sigurado ako naranasan mo na to! haha



3. SI ATENG MAHILIG MAG PA HAIR  PARTY!

Naranasan mo na rin siguro ang kumain ng buhok ni ateng todo lugay at feel na feel ang malakas na usok na hangin na nanggagaling sa bintana ng jeep. Aba! Ate kakakain ko lang. Busog pako!Makiramdam!



4. SI MANONG PA-GAS! 
Yung late na late ka na sa office o sa school at nagmamadali kana tapos biglang lumiko yung jeep ni kuya sa gas station para mag pa gas! At ang ibabayad pa niya ay yung tig mamisong barya na bibilangin pa lang niya! Well, kasalanan mo yan dahil late ka nagising pero anak ng! Kuya bilis! Late na ako! haha


5. NAKAPAGPANGGAP KA NA  NAKAUPO!

Biktima ka na rin siguro ng jeep na pinara mo dahil nagmamadali ka pero pagpasok mo kakarampot na espasyo nalang pala ang nakalaan sa iyo. Ang ending, dulo na lamang ng pwet mo ang nakakaupo at ang matindi pa neto dumudulas ka pa ng pakonti konti at nanalangin na wag na wag dadaan sa mga humps o sa mga lubak na! haha!


6. ANG SANDALAN!

Naranasan mo narin siguro ang 
maging sandalan ng mga taong inaapi ng kaantukan. Yung tipong nagrereminisce ka tapos biglang may sasandal sayo na tao na tulog. Ang matindi pa nito, tumutulo pa ang laway at tila humihilik hilik pa. Nako kuya/ ate, wala po bang kama sa bahay niyo? Di makapag antay? Ganyan?

7. BABABA KA NALANG MAUUNTOG KA PA MOMENT!
Eto talaga yung moment na hindi mo inaasahan. Yung moment na  bababa ka nga lang sa jeep eh mauuntog ka pa ng malakas. Aray ko! Napahiya ka pa tuloy sa mga pasahero. Masaklap neto may narinig ka pang bungingis sa mga tao! Ingat ingat din kasi! haha!




8. MGA MAKUKULIT NA PASAHERO

Eto yung mga pasakay na pasahero na dimo alam kung bingi o sadyang makulit lang. Yung eksenang si kuya driver sisigaw ng destinasyon "Espanya espanya espanya! Lalarga na! Espanya! Espanya!" Tapos etong si pasahero na tipo kasasakay lang eh magtatanong "KUYA ESPANYA?" haha ANAK NG  PAULIT ULIT? hahah

9. MGA FRIENDLY JEEPNEY DRIVERS

Likas sa ating mga Pilipino ang maging palakaibigan. Hindi makakailang tayo ang pinakapalakaibigang tao sa mundo. Aba sa jeep din palakaibigan ang mga tao lalo na mga drivers. Yung tipong hihinto talaga yung jeep nila sa gitna ng kalsada at tsaka maguusap ng pagkatagal tagal. Ok na sana ang 1-2 seconds pero yung aabutin ng lagpas 30 segundo?! haha! Kuya! Pwede magchikahan mamaya!


10. ANG STIGMA NG MGA PASAHERO NG JEEP
Sigurado ako na karamihan sa atin ay naniniwala na ang pagsakay sa jeep ay kailangan ng ibayong pagiingat sa mga holdaper at mga snatcher sa labas ng bintana. Kaya naman tayong mga pasahero todo ingat sa bag natin at todo tago sa mga cellphone natin. Kailan kaya mawawala ang stigma na ito? Kailan kaya magiging ligtas ang pagsakay sa jeep na nakakapag text o twag ka sa phone mo na walang halong takot. 
Basta mga katoto, huwag na huwag magtetext sa loob ng jeep at huwag na magsuot ng mamahaling alahas pag sasakay sa jeep para iwas disgrasya at at iwas sa krimen na maaring magawa sa inyo.





Ang lahat ng ito ay base sa aking karanasan at ang iba ay opinyon lamang. Huwag masyadong seryosohin kung hindi ka natuwa! :)